მეათე მოწვევის პარლამენტს ხელფასის დარიცხვის მიზნით სამმა ახალმა, ოპოზიციონერმა დეპუტატმა მიმართა. მათ ვინაობას პირველი არხი ასაჯაროებს.
ხელფასის დარიცხვა სამმა ოპოზიციონერმა დეპუტატმა მოითხოვა, მათ შორის ერთ-ერთი „პატრიოტთა ალიანსის“ წევრი ავთო ენუქიძეა, რომელმაც პარლამენტში შესვლაზე უკვე განცხადება გააკეთა.
კიდევ ერთი დეპუტატი, რომელმაც ხელფასის დარიცხვის მიზნით პარლამენტს მიმართა, ბაჩუკი ქარდავაა (ნაციონალური მოძრაობა – ძალა ერთობაშია), ასევე, პარლამენტის საფინანსო დეპარტამენტს საბანკო რეკვიზიტები გაუგზავნა ტარიელ ნაკაიძემ (ევროპული საქართველო).