დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უქმე დღეების დაწესების აუცილებლობა განმარტა. მისი განცხადებით, ეს მობილობას ამცირებს, რაც, თავის მხრივ, გაუარესებული ეპიდსიტუაციის შეჩერების ერთ-ერთი ბერკეტია.
„გახსოვთ, უქმე დღეები და საყოველთაო არდადეგები შემოვიღეთ იანვრის დასაწყისში, როდესაც დეკემბრის მეორე ნახევრიდან ეპიდემიოლოგიური მდგომარეობა თანდათან წავიდა უკეთესობისკენ, მაგრამ იანვრის დასაწყისში და იანვარშიც გვქონდა ინფექციის გავრცელების სერიოზული ინტენსივობა. ეს არის მობილობის დაგდების ერთ-ერთი მეთოდი. ზოგადად, მობილობის დაგდება არის გაუარესებული ეპიდსიტუაციის შეჩერების ერთ-ერთი ბერკეტი. ამიტომ სხვა გამაფრთხილებელ ღინისძიებასთან ერთად ერთ-ერთი ასეთი წინადადება იყო, რომ აღდგომის შემდეგ ყოფილიყო არდადეგები“, – განაცხადა ამირან გამყრელიძემ.
საკოორდინაციო საბჭო დამსაქმებლებს თანამშრომელთა დისტანციურ რეჟიმში გადაყვანის რეკომენდაციით მიმართავს, 4-11 მაისი კი უქმე დღეებად ცხადდება.
16 სულ ნახვები
კომენტარები
0 კომენტარები
