ჰოლივუდის ვარსკვლავებმა, ანჯელინა ჯოლიმ და ბრედ პიტმა ღვინის კომპანიის Château Miraval-ის აქციები 2008 წელს 28 მილიონ ევროდ შეიძინეს, 6 წლის შემდეგ კი სწორედ იქ იქორწინეს. განქორწინების შემდეგ ანჯელინამ საკუთარი წილი 164 მილიონ დოლარად გაყიდა.
ცოტა ხნის წინ კი ცნობილი გახდა, რომ ბრედ პიტმა ანჯელინას სასამართლოში უჩივლა. ამის მიზეზად კი დაასახელა ის, რომ ანჯელინამ წილი მასთან შეთანხმების გარეშე, კონკურენტს მიჰყიდა. პიტი ამტკიცებს, ყოფილ ცოლთან ხელშეკრულება ჰქონდა დადებული, რომლის თანახმას ისინი აქციებს ერთმანეთთან შეთანხმების გარეშე არ გაყიდნენ.
პიტის თქმით, ანჯელინამ მათი საერთო ღვინის კომპანიიდან წილი რუს ოლიგარქ იური შეფლერს მიჰყიდა. მსახიობის აზრით, შეფლერს სურს მთელ კომპანიაზე აიღოს კონტროლი, რადგან ის ღვინის ბიზნესში საკმაოდ აქტიურადაა ჩართული.
ბრედ პიტის სარჩელში ნათქვამია, რომ ჯოლიმ მიზანმიმართულად გაყიდა ღვინის კომპანიიდან საკუთარი წილი მალულად და პიტთან დადებული სახელშეკრულებო უფლებები შეგნებულად დაარღვია. სწორედ ამის გამო ბრედ პიტი ანჯელინა ჯოლის ზიანის განზრახ მიყენებაში ადანაშაულებს.
122 სულ ნახვები
კომენტარები
0 კომენტარები
