მომღერალი მერაბ სეფაშვილი „რუსთავი 2“-ის გადაცემას „სხვა კითხვებს“ ესტუმრა, სადაც საკუთარ შიშებზე და კარიერაზე ისაუბრა. როგორც თავად მომღერალი ამბობს ყველაზე მეტად ახლობლების დაკარგვის ეშინია, თუმცა შემდეგ მის ერთ-ერთ ფობიას იხსენებს:
„თვითმფრინავში ძალიან მეშინია ჩაჯდომა. ბავშვობაში რაღაც მოხდა, პატარა ვიყავი დაახლოებით 7-8 წლის და ეტყობა რაღაცა ჩამრჩა. მთელი ცხოვრებაა დავფრინავ და სულ დაძაბული ვარ. საკუთარ თავს ჩავუტარე ტრენინგი, ჩავჯექი და ერთხელ გაამართლა, ორჯერ გაამართლა და ასე ნელნელა ჩემი ფობია გამოსწორდა.“
მოგვიანებით მან საკუთარ პროფესიაზეც ისაუბრა და აღნიშნა, რომ ხმის დაკარგვის შიში არასოდეს ჰქონია.
„ხმის დაკარგვის შიში არ მქონია. არასოდეს არ ვყოფილვარ ისეთ მდგომარეობაში თითქოს უნდა დამეკარგა ხმა. საკმაოდ ძლიერი ყელის აპარატი გამომადგა. ამ ასაკშიც საკმაოდ ძლიერია. კომუნისტების პერიოდში როდესაც სიმღერის 18 წლის სტაჟი გქონდა უკვე პენსია გეკუთვნოდა, ახლა წარმოიდგინე მე რამდენიხანია პენსია მეკუთვნის.
მქონია შემთხვევა როდესაც კონცერტამდე არ მქონია ხმა სათანადო მდგომარეობაში, მაგრამ სანამ ახალგაზრდა ხარ გიქაჩავს მერე ასაკში რომ შედიხარ ტექნიკა გაქვს. ბერვი ნიუანსია.“ – მერაბ სეფაშვილი
437 სულ ნახვები
კომენტარები
0 კომენტარები
