კიმ კარდაშიანს მერილინ მონროს კაბის დაზიანებაში ადანაშაულებენ

რამდენიმე თვი წინ მოდის ინდუსტრიის ერთ-ერთი ყველაზე პრესტიჟული ღონისძიება გაიმართა. დამსწრე ვარსკვლავებს შორის იყო კიმ კარდაშანიც, რომელიც წითელ ხალიჩაზე მერილინ მონროს კაბით გამოჩნდა და საღამოს ყველაზე განხილვადი ფიგურა გახდა.

მერილინის კაბის მორგების გამო კიმი კრიტიკის ქარცეცხლში მოექცა. ახლახანს კი ვრცელდება ინფორმაცია, რომ მან ისტორიული კაბა დააზიანა.

მერილინ მონროს ნივთებისა და არქივების ყველაზე დიდი კერძო კოლექციის ოფიციალური ინსტაგრამგვერდი ავრცელებს ფოტოებს, რომლებშიც ნათლად ჩანს, რომ მეთ გალას შემდეგ კაბა დაზიანებულია. კერძოდ, ქსოვილი გაწელილია, კაბას კი ძვირფასი თვლები აკლია. მერილინ მონროს კოლექციის წარმომადგენლებმა ინსტაგრამზე კაბის დაზიანებაში კიმთან ერთად მუზეუმი Ripley’s Believe It or Not-იც დაადანაშაულეს, რადგან სწორედ მათ მისცეს კიმს კაბის ჩაცმის უფლება, თანაც საზოგადოებას არწმუნებდნენ, რომ კაბას საფრთხე არ ემუქრებოდა. კიმ კარდაშიანსა და მუზეუმის წარმომადგენლებს მომხდარზე კომენტარი ჯერჯერობით არ გაუკეთებიათ.

შეგახსენებთ, რომ აღნიშნული კაბა სპეციალურად მერილინ მონროსთვის 1963 წელს შეიკერა და ვარსკვლავმა ის Happy Birthday, Mr. President-ის სიმღერის შესრულების დროს მოირგო.